Þetta segir dóttir mín sem verður fjagra ára í apríl. Ég er orðinn maður sem segir gamansögur af börnunum sínum og mér er fökk sama. Þetta er bloggið mitt.
Þú ert ekki vandamálið.
Mögulega.
Það er ekki útilokað.
Mjög líklega ertu samt vandamálið og þú ert ekki að segja þér það nógu oft.
Hættu að berja þig niður. Þú ert mögulega vandamálið og það geta ekki allir verið vandamálið.
Það er óforbetranleg sjálfhverfa að álita að þú sért einn af þeim fáum sem eru vandamálið.
Ég veit ekki hvenær og hvernig heimsendir verður, en ég er nokkuð viss um að hann hefjist í einhverri hverfisgrúbbu í umræðu um rusl.
Við ættum öll að skiptast á að vera forseti. Ár í senn.
Valið handhófskennt. Enginn fær að vita hver er eða var forseti.
Allir fá að njóta vafans þegar eyður eru skoðaðar í ferilsskrám,
kannski var viðkomandi forseti?
(Ég gæti hafa stolið þessari hugmynd frá Almarri — en hann ætti að fara blogga.)
Ný vika og rulsabíllinn er með nýja ferð. Nýtt ljóð má nálgast hér
Ljóðskáldið Tom Jenks ætlar að skrifa reglulega út árið um sorphirðu.
Ég ætla að þýða jafnóðum. Ljóðið má nálgast hér
Nýr vettvangur til að segja nákvæmlega ekkert og hér getur enginn brugðist við!
…nema kannski gleðilegt nýtt ár!
